14 Oct 2017

Lundi noir du 19 Mars 2018 Kr

AKAMO KO KUWA 19/03

Mu gihe abarundi n’amakungu bakuye hasi babwira Petero  Nkurunziza bati teshwa ute hagarika guhindura ibwirizwa Nshingiro ku nguvu n’iterabwoba kubera inyungu z’umuntu umwe naho yoba umukuru w’igihugu, Petero Nkurunziza yaraye ashitse kw’isimbo y,inuma.

Bamwurije ku rwego bita imboneza yamaho. Yasanze iryo zina ryomuduza hejuru y’abarundi bose, akaba ntavuguruzwa; n’umugambwe wahamushize ntube ukimufiseko uburenganzira. Mbega iyo ngingo  ntije kwongereza iterabwoba ku bibaza ko bomukonya ntarenge kundahiro yo kutitoza mu mwaka wa 2020. Ubu ko abaye ntavuguruzwa mu mugambwe wakumiriye iyindi migambwe, kugira  uwo bashize imbere mu matora ntihagira n’uwurota amwababa, ntahejeje kuba ntavuguruzwa mu gihugu? Mwibuke ko ata nahamwe adata imitwe kugira aronke ubushobozi ku barundi bose batakimwizeye. Mwibuke ko akabakaba kwitwa umwami, intumwa y’imana nayandi mazina yibaza ko yomwongera ubushobozi n’ishusho yifuza kwereka abarundi bariko baramutitura.

Mwibukeko higeze abakuru b’ibihugu baborewe n’ubutegetsi kubera amabi bakorera abanyagihugu, inambu idahera yo kwihariza ubutunzi bw’igihugu bigize kinani, umwami w’abami, imboneza yamaho n,ayandi matazirano aha agaciro uwagataye kera mu banyagihugu Kugira ntihagire uwubakakaza bariko batwaza igikenye.Aho twobabwira Adolf Hitler, Iddi Amin Dada, Jean Bedel Bokasa, Habyarimana Juvenal n’abandi biganje bagakakama bwa gisizimwe,bagashirwa bataye abanyagihugu mu kaga.

Abarundi muramaze kwibonerako, mwarasahuwe n’abobakingiye, mugwa mu bukene bushira ubuja, mwaratotejwe, muramburwa abanyu mu bwicanyi bwagahomerabunwa, murapfunzwe icamaso kubera iterabwoba n’amakori, abanyu barapfungwa agasakisaki amategeko ahonyanzwe, abarokotse barangazwa, ubu ko Petero nkurunziza abaye imboneza yamaho, hari ikindi cizere co gutabaruka mutimenye ? 

Barundi barundikazi, akataretse kaba gasema. Umutegetsi, amaze kugara arasita uwariwe wese gushika aho abanyagihugu bagwa musi y’ikirenge ciwe.abatarabibona, barindire, ejo aho bukera ntamahungiro. Aho muri hose mufatane munda, muhakane iri terabwoba rigamije kwigizayo uwogira ico ahanura mu gihugu. Rwaruka namwe bakenyezi mukoreshwa amabi ku nyungu z’umuntu umwe rudende, tora akenge mwisubize iteka,  igihugu canyu na beneco.

Ako ni akamo k’umuhari w’abakenyezi n’abigeme baharanira amahoro n’umutekano ko kuri uwu wa mbere wa 19 ntwarante 2018 

 

AUDIO

Leave a Reply

Your email address will not be published. Required fields are marked *